MARKET THLIRNA 12 OCTOBER 2024

INDIAN STOCK MARKET HIAN HNIAM LAM ALA PAN ZEL DAWN EM ?

Technical Thlirna

India Market Nifty 50 bik hian -6% in hniam lam a pan tawh a. Tunah hian Daily 50 EMA bawrah hian ala cham hrih mek a Support Area (Dawmtu) awmna lai a ni bawk a, karthar lamah chuan helai bawr atang hian san lam a pan dawn nge hniam lam a pan leh tan dawn tih a chiang ang. Candlestick lan dan atang chuan SELL ON RISE kalphung zawm tur a ang deuha, mahse engpawh inthlak danglam thei chu ani e.

Major Support (Dawmtu pawimawh) hi 24000 bawr hi anih a rinawm a thlaruk kalta san lai ber leh 100 EMA bawr ani bawk. 

Fundamental Thlirna

Tunkar nilaini khan RBI in Interest Rate an tihhniam loh tur thu an puang a, Inflation pawh 3.65 tang 4.4 ah rawn san leh deuh an ring bawk. Hei hi a chhan ni bera lang chu tui alh thei man leh ei leh in lam ho man a san an rin vang a ni bawk. Hemi thu leh hla hi Market tan chuan thu duhawm ani hranlo.

Iran leh Israel Boruak erawh a dai hrih deuh a, rawn in kap leh thut anih chuan market tan a lawmawm hran vak in a rinawm loh bawk.

Indian Rupee pawh a hlutna ala tlahniam zel bawk si a, hei Foreign Investor tan a tha lem lo bawk a ni. USD 1= INR 84 ani tawh a ni.

Fii leh Dii
Tunkar ah khan FII lam hian 27674.98 Cr an hralh a, DII lam hian 31363.61 Cr hi an lei ve thung a ni.

Khaikhawmna

Kan Market hi Technical leh Fundamental kalphunga kan thlir chuan hniam lam pan theihna buk chu ala rit ve deuh chuan kan hmu a ni. DII lam hian Market hi dawm chu an tum nasa viau tih a lang bawk. Market hian thil chiang a mamawh thin a, tunah chuan boruak a ngaichang hrih niin a lang.